పోలీస్ ఎన్‌కౌంటర్‌లో హతమైన గ్యాంగ్‌స్టర్ నయీం స్థానంలోకి ఫయీం అనే కొత్త వ్యక్తి వచ్చినట్లు పోలీసులు గుర్తించారు. ఈ మేరకు నయీం పోలికలతో ఉన్న ఫయీం ఫొటోలు హైదరాబాద్ శివారు ప్రాంతాల్లో కలకలం రేపుతున్నాయి. నయీం నేర సామ్రాజ్యానికి బాస్‌గా వ్యవహరించేందుకుగానూ ఫయీం తన గెటప్‌‌ని మార్చినట్లు తెలుస్తోంది.
పూర్తిగా నయీంలాగే టైట్ టీషర్ట్, మెడలో గొలుసులు, కుడి చేతికి వాచ్, ఎడమ చేతికి బంగారు బ్రాస్‌లెట్, చేతికి ఉంగరాలతో కూడిన ఫొటోలు ఇప్పుడు పలు సామాజిక మాధ్యమాల్లో చక్కర్లు కొడుతున్నాయి. కాగా... నయీం బతికే ఉన్నాడంటూ గెటప్ మార్చిన ఫయీం అనే వ్యక్తి ద్వారా దందాలు చేయించేందుకు నయీం భార్య హసీనాబేగం ఈ ఎత్తుగడ వేసినట్లు పోలీసులు గుర్తించారు.
మరి ఈ ఫయీం ఏమవుతాడో చూద్దాం...
