Select Your Language

Notifications

webdunia
webdunia
webdunia
webdunia
Advertiesment

వ్యాధి నిరోధక శక్తికి అద్భుతంగా పనిచేసే లవంగాలు

వ్యాధి నిరోధక శక్తికి అద్భుతంగా పనిచేసే లవంగాలు
, మంగళవారం, 5 జనవరి 2016 (11:25 IST)
కేరళ రాష్ట్రంలో సర్వసాధారణంగా లభించే సుగంధ ద్రవ్యం లవంగాలు. లవంగాలు, గరం మసాలాలో ప్రధానమైన పదార్థం. గరం మసాలాలో లవంగాలే రారాజు. లవంగాలు మంచి సువాసనను ఇవ్వడమే కాకుండా, లవంగాలకు వైద్య విలువలు కూడా ఉన్నాయి. లవంగం నూనెను పంటి నొప్పికి మందుగా ఉపయోగిస్తారు. బాగా నలిపిన లవంగ ఆకులు పంటి నొప్పికి ఉపశమనాన్ని ఇస్తాయి. ఎసిడిటి మరియు అజీర్ణానికి లవంగ నూనె ఎంతగానో ఉపయోగపడుతుంది. క్వాలిటీ మరియు సీజన్ల బట్టి ధరలు మారుతుంటాయి. రుచి, కారం కోసం కూరలలో ఎక్కువగా వాడుతుంటారు. అటువంటి వంటకు మాత్రమేకాకుండా ఆరోగ్యానికి కూడా ఎంతో మేలు చేస్తుంది. లవంగాలు వల్ల కలిగే ప్రయోజనాలేంటో చూద్దాం!
 
లవంగాల నూనె ఆరోగ్యానికి చాలా మేలు చేస్తుంది.
ఎవరైనా కఫం, పిత్త రోగాల బారిన పడినవారుంటే ప్రతి రోజు లవంగాలను సేవిస్తుంటే ఈ జబ్బులు మటుమాయమౌతాయి.
ఎక్కువగా దప్పిక వేసినప్పుడు లవంగం తింటే దప్పిక తీరి ఉపశమనం కలుగుతుంది.
జీర్ణశక్తి తగ్గినట్లనిపిస్తే రెండు లవంగాలు తింటే జీర్ణక్రియ మెరుగుపడుతుంది.
లవంగాలు తరచు తీసుకుంటే ఆకలి బాగా వేస్తుంది.
లవంగాలు సేవించడం వల్ల తెల్ల రక్త కణాలను పెంపొందుతాయి. అంతేకాదు జీవిత కాలాన్ని పెంపొందించే గుణాలు ఇందులో పుష్కలంగా ఉన్నాయి. ఇది వ్యాధి నిరోధక శక్తిగా కూడా పనిచేస్తుంది. 
తలనొప్పిగా ఉన్నప్పుడు, కొన్ని లవంగాలను మెత్తగా నూరి ఆ పేస్టుని తలపై పెట్టుకుంటే కాసేపటికి తలనొప్పి నుండి ఉపశమనం కలుగుతుంది.

Share this Story:

Follow Webdunia telugu