కాసుల వర్షం కురిపించే ఐపీఎల్ ఫైనల్ మ్యాచ్ వర్షంతో వాయిదాపడిన సంగతి తెలిసిందే. హ్మదాబాద్‌లోని నరేంద్ర మోదీ స్టేడియం వేదికగా చెన్నై సూపర్ కింగ్స్, గుజరాత్ టైటాన్స్ మధ్య ఆదివారం జరగాల్సింది.
కానీ వర్షంతో ఈ మ్యాచ్ రిజర్వ్ అయ్యింది. దాంతో మెగా ఫైనల్ కోసం ఎంతగానో ఎదురు చూసిన అభిమానులు తీవ్ర నిరాశకు గురయ్యారు. రిజర్వ్ డే అయిన సోమవారం రాత్రి 7.30 గంటలకు ఈ ఫైనల్ పోరు జరుగనుంది.
ఈ మ్యాచ్‌ను చూడటం కోసం వచ్చిన ఓ సీఎస్కే మహిళా అభిమాని.. ఓ పోలీస్ అధికారిని చితకబాదింది. స్టేడియంలో డ్యూటీ చేస్తున్న సదరు పోలీస్ అధికారిని కాలితో తన్నడం కాకుండా పదే పదే నెట్టేసింది. అసలు గొడవకు కారణం ఏంటో తెలియదు కానీ సోషల్ మీడియా వేదికగా భిన్నవాదనలు వినిపిస్తున్నాయి.
వీడియోలో చూస్తే ఆ పోలీస్ ఆఫీసర్ ముందు ఆమె పక్కన కూర్చున్నట్లే కనిపిస్తోంది. పోలీస్ అధికారి తాగిన మత్తులో సదరు మహిళ పట్ల అసభ్యంగా ప్రవర్తించడంతో ఆ మహిళా అభిమాని పోలీస్‌పై దేహశుద్ధి చేసిందని కామెంట్ చేస్తున్నారు.
