Select Your Language

Notifications

webdunia
webdunia
webdunia
webdunia
Advertiesment

మార్కెట్లోకి మోటోరోలా వన్ పవర్ ఫోన్... ప్రత్యేకతలు ఏంటి?

మొబైల్ ఫోన్ దిగ్గజం మోటోరోలా సంస్థ సరికొత్త ఫోన్‌ని మార్కెట్‌లోకి విడుదల చేసింది. అదే మోటోరోలా వన్ పవర్. ఈ మోడల్ ధరను భారత్‌లో రూ. 15999గా నిర్ణయించింది. సెప్టెంబర్ 25వ తేదీన సంస్థ 90వ వార్షికోత్సవాన్ని పురస్కరించుకుని కంపెనీ మొట్టమొదటి ఆండ్రాయిడ్ వన

మార్కెట్లోకి మోటోరోలా వన్ పవర్ ఫోన్... ప్రత్యేకతలు ఏంటి?
, సోమవారం, 24 సెప్టెంబరు 2018 (15:32 IST)
మొబైల్ ఫోన్ దిగ్గజం మోటోరోలా సంస్థ సరికొత్త ఫోన్‌ని మార్కెట్‌లోకి విడుదల చేసింది. అదే మోటోరోలా వన్ పవర్. ఈ మోడల్ ధరను భారత్‌లో రూ. 15999గా నిర్ణయించింది. సెప్టెంబర్ 25వ తేదీన సంస్థ 90వ వార్షికోత్సవాన్ని పురస్కరించుకుని కంపెనీ మొట్టమొదటి ఆండ్రాయిడ్ వన్ స్మార్ట్‌ఫోన్‌గా మోటరోలా వన్ పవర్‌ని తీసుకొచ్చింది. అంతేకాకుండా భారత్ కోసం ఉత్పత్తులను భారత్‌లోనే తయారు చేసేందుకు తాము సిద్ధంగా ఉన్నట్లు ప్రకటించింది. 
 
ఈ ఫోన్ ప్రత్యేకంగా ఫ్లిప్‌కార్ట్ ద్వారా అందుబాటులోకి రానుంది. ఇది ఆండ్రాయిడ్ 9 పై వెర్షన్‌తో పనిచేసే మొట్టమొదటి ఫోన్. మెటల్ డిజైన్‌ని కలిగి ఉండటంతో పాటు వెనుకన మోటోరోలా లోగోతో ఫింగర్‌ప్రింట్ సెన్సార్‌ను ఇది కలిగి ఉంటుంది. వైడ్‌వైన్ L1 DRM సపోర్ట్ చేయడమే కాకుండా నెట్‌ఫ్లిక్స్‌ని హెచ్‌డిలో సపోర్ట్ చేస్తుంది. ఈ ఫోన్ కొనుగోళ్ల రిజిస్ట్రేషన్‌లు ఈరోజు ప్రారంభమయ్యాయి. స్మార్ట్‌ఫోన్ అక్టోబర్ 15వ తేదీ అందుబాటులోకి వస్తుంది.
 
మోటోరోలా వన్ పవర్ ప్రత్యేకతలు:
1) మోటోరోలా వన్ పవర్ ఫోన్ క్వాల్‌కామ్ స్నాప్‌డ్రాగన్ 636 చిప్‌సెట్ మరియు అడ్రెనో 509 జిపియు ఆధారితమైనది.
2) 6.2 అంగుళాల డిస్‌ప్లేతో 19:9 స్క్రీన్ మరియు 450 నిట్స్ బ్రైట్‌నెస్ కలిగి ఉంటుంది.
3) 5000mAh బ్యాటరీ.
4) 16 మెగాపిక్సెల్ బ్యాక్ కెమెరా, అలాగే 5-మెగాపిక్సెల్ సెకండరీ కెమెరాతో పాటు 12 మెగాపిక్సెల్‌ల సెన్సార్ ఫ్రంట్ కెమెరా.
5) 4K వీడియో రికార్డింగ్ సౌలభ్యం కలదు.
6) 4GB ర్యామ్ మరియు 64GB ఇంటర్నెల్ స్టోరేజీని కలిగి ఉంటుంది.
7) ఇందులో రెండు సిమ్ కార్డ్ స్లాట్‌లు మరియు ఒక SD కార్డ్ స్లాట్ ఉంటుంది.
8) 15 నిమిషాల ఛార్జింగ్‌తో ఏకంగా 6 గంటల బ్యాటరీ స్టాండ్‌బై కలిగి ఉంటుంది.

Share this Story:

Follow Webdunia telugu

తర్వాతి కథనం

మారుతీ రావు చేయించిన హత్య కథ... ఆవిధంగా ముందుకెళుతోంది...