శుభోదయం : రాశిఫలితాలు 01-11-2017

మేషం: శుభకార్యాలు ఘనంగా చేస్తారు. వ్యాపారస్తులకు కొత్త సమస్యలు ఎదురయ్యే సూచనలున్నాయి. ఉపాధి పథకాల్లో నిలదొక్కుకుంటారు. దూర ప్రయాణాలు అనుకూలిస్తాయి. దైవ సేవా కార్యక్రమాల్లో చురుకుగా పాల్గొంటారు. కుటుంబ

మేషం: శుభకార్యాలు ఘనంగా చేస్తారు. వ్యాపారస్తులకు కొత్త సమస్యలు ఎదురయ్యే సూచనలున్నాయి. ఉపాధి పథకాల్లో నిలదొక్కుకుంటారు. దూర ప్రయాణాలు అనుకూలిస్తాయి. దైవ సేవా కార్యక్రమాల్లో చురుకుగా పాల్గొంటారు. కుటుంబీకులతో ఆనందంగా గడుపుతారు. పరిచయం లేని వారితో జాగ్రత్త చాలా అవసరం. 

వృషభం: మీ సంతానం గురించి సంతోషకరమైన విషయాలను వింటారు. కొబ్బరి, పండ్లు, పూలు, చిరు వ్యాపారులకు లాభదాయకంగా ఉంటుంది. పెట్టుబడుల విషయంలో ఒక నిర్ణయానికి వస్తారు. పెద్దల ఆరోగ్యం గురించి ఆందోళన చెందుతారు. నిరుద్యోగుల కృషి ఫలిస్తుంది. పుణ్యక్షేత్రాలను సందర్శిస్తారు. 

మిథునం: ఉద్యోగస్తులకు ఏకాగ్రత ప్రధానం. ఆకర్షణీయమైన పథకాలు అమలు చేస్తారు. వ్యాపారాలు ఊపందుకుంటాయి. ఎవరినీ అతిగా విశ్వసించవద్దు. కిట్టని వారు తప్పుదారి పట్టించేందుకు ప్రయత్నిస్తారు. శ్రీమతి లేక శ్రీవారి వైఖరిలో మార్పు వస్తుంది. దీక్షలు స్వీకరిస్తారు. విద్యార్థులకు ఒత్తిడి అధికమవుతుంది.

కర్కాటకం: రచయితలు, క్రీడాకారులకు ఆశాభంగం. బంధువులతో  సత్సంబంధాలు నెలకొంటాయి. మీ రాక ఆత్మీయులకు సంతోషం కలిగిస్తుంది. రుణ సమస్యలు తొలుగుతాయి. సరుకు నిల్వలో జాగ్రత్త అవసరం. ఆందోళన కలిగించే సంఘనలు ఎదురవుతాయి. ఉపకారానికి ప్రత్యుపకారం పొందుతారు. 

సింహం: ఆర్థిక కుటుంబ సమస్యలు కొలిక్కి వస్తాయి. ఆరోగ్యం నిలకడగా ఉంటుంది. వ్యూహాత్మకంగా వ్యవహరిస్తారు. యత్నాలకు సన్నిహితుల ప్రోత్సాహం ఉంటుంది. ప్రముఖుల సాయం అందుతుంది. దంపతులకు కొత్త ఆలోచనలు స్ఫురిస్తాయి. సంతానం భవిష్యత్తుపై శ్రద్ధ వహిస్తారు. అధికారులకు హోదా మార్పు, స్థానచలనం. 

కన్య : దైవదీక్షలు స్వీకరిస్తారు. ఒక ఆహ్వానం ఆశ్చర్యం కలిగిస్తుంది. ఇచ్చిపుచ్చుకునే వ్యవహారాలు, ఒప్పందాల్లో ఏకాగ్రత వహించండి. సహోద్యోగులతో విందులు, వినోదాల్లో పాల్గొంటారు. వ్యాపారాభివృద్ధికి పథకాలు రూపొందిస్తారు. ఉద్యోగస్తుల కార్యక్రమాలు ప్రశాంతంగా సాగుతాయి. భాగస్వామిక చర్చలు ఫలిస్తాయి. 

తుల: పొదుపు పథకాలు, పెట్టుబడులు లాభిస్తాయి. పరిచయాలు, వ్యాపకాలు విస్తరిస్తాయి. వాయిదాపడిన మొక్కుబడులు తీర్చుకుంటారు. వాహన చోదకులకు చికాకులు తప్పవు. మీ సంతానం విపరీత ధోరణి చికాకు పరుస్తుంది. ఇతరులపై ఆధారపడక, ప్రతి వ్యవహారం మీరే సమీక్షించుకోవడం అన్ని విధాల క్షేమదాయకం. 

వృశ్చికం: ఆదాయం ఫర్వాలేదనిపిస్తుంది. ఉద్యోగ బాధ్యతల్లో ఏకాగ్రత వహించండి. స్థిరాస్తి కొనుగోలు దిశగా ఆలోచిస్తారు. ఎప్పటి నుంచి వాయిదా పడుతూ వస్తున్న పనులు పున:ప్రారంభిస్తారు. దంపతుల మధ్య అన్యోన్యత నెలకొంటుంది. నమ్మకస్తులే మోసగించేందుకు యత్నిస్తారు. దైవదర్శనం అతికష్టంమ్మీద అనుకూలిస్తుంది. 

ధనస్సు : గృహోపకరణాలు అమర్చుకుంటారు. ప్రకటనలు, దళారులను విశ్వసించవద్దు. అవకాశాలు చేజారినా ఒకందుకు మంచిదే. పనుల సానుకూలతకు మరింతగా శ్రమించాలి. వ్యాపారాభివృద్ధికి పథకాలు రూపొందిస్తారు. వ్యాపారాభివృద్ధికి చేయు కృషిలో సఫలీకృతులవుతారు. ప్లీడర్లకు ఒత్తిడి, చికాకులు అధికం.

మకరం: వైద్య, సాంకేతిక రంగాల వారికి ఆదాయాభివృద్ధి పొందుతారు. ఆధ్యాత్మిక సేవా కార్యక్రమాల్లో పాల్గొంటారు. నష్టాలు, ఆటంకాలను ధీటుగా ఎదుర్కొంటారు. విదేశాల్లోని సంతానం క్షేమం తెలుసుకుంటారు. ఖర్చులు భారమనిపించవు. పారిశ్రామిక రంగాల వారికి ప్రోత్సాహకరం. తీర్థయాత్రలు అనుకూలిస్తాయి.

కుంభం : ఆర్థిక అంచనాలు ఫలిస్తాయి. వనసమారాధనలు, దైవకార్యాల్లో పాల్గొంటారు. మీ మాటతీరు ఆకట్టుకుంటుంది. వ్యాపారాల విస్తరణ, పెట్టుబడులకు అనుకూలం. కుటుంబీకుల మధ్య అన్యోన్యత నెలకొంటుంది. ఆరోగ్యం నిలకడగా ఉంటుంది. లౌక్యంగా వ్యవహరించి ఒక సమస్య నుంచి గట్టెక్కుతారు.

మీనం: ఆత్మీయులతో సంప్రదింపులు జరుపుతారు. ఒక వ్యవహారంలో ధనం అందుతుంది. భాగస్వామిక చర్యలు కొలిక్కి వస్తాయి. పారిశ్రామిక వేత్తలకు ప్రోత్సాహకరంగా ఉంటుంది. ఉద్యోగస్తులు, అధికారులకు ధన ప్రలోభం తగదు. కొన్ని సంఘటనలు మనస్థిమితం లేకుండా చేస్తాయి. పరిచయాలు, వ్యాపకాలు విస్తరిస్తాయి.