తెలుగు యువ హీరో అరవింద్ కృష్ణ బాస్కెట్ బాల్ ప్లేయర్ అయ్యాడు. అంతర్జాతీయ బాస్కెట్ బాల్ పోటీల్లో రాణిస్తున్నాడు. తెలుగు చిత్రసీమలో హీరోగా తనదైన గుర్తింపు సొంతం చేసుకున్న అరవింద్ కృష్ణ, మరోవైపు ఆటల్లో కూడా రాణిస్తున్నారు.
ఇండియా నుంచి ఫిబా ఈ చాంపియన్ లీగ్‌ పోటీల్లో పాల్గొన్న ఏకైక ఆటగాడు మన తెలుగు హీరో అరవింద్ కృష్ణ కావటం విశేషం. ప్రస్తుతం ఓ సూపర్ హీరో మూవీలో నటిస్తున్న ఆయన... మరో వైపు బాస్కెట్ బాల్ టోర్నమెంట్లలో కూడా పార్టిసిపేట్ చేస్తున్నారు.
ఈ సందర్భంగా "క్రికెట్‌లో పొట్టి క్రికెట్ ఐపీఎల్ తరహాలో బాస్కెట్ బాల్‌లో 3BL లీగ్‌ను నిర్వహిస్తున్నారు. నేను వరుస సినిమాలతో బిజీగా ఉన్నాను. ఈ నేపథ్యంలో 3BL లీగ్‌లో పాల్గొనటం నాకు మంచి బ్రేక్ అనొచ్చు. ఇది ఎంతో ఎనర్జీనిస్తుంది" అని అరవింద్ కృష్ణ పేర్కొన్నారు. ప్రొఫెషనల్ బాస్కెట్ బాల్ ప్లేయర్ అయిన అరవింద్ ఓ వైపు సినిమాలు, మరోవైపు స్పోర్ట్స్‌ని బ్యాలెన్స్ చేస్తూ వస్తున్నారు
