ఈ 'నిప్పు' కూడా అలానే రికార్డు సృష్టిస్తుంది: గుణశేఖర్
, శనివారం, 4 ఫిబ్రవరి 2012 (17:43 IST)
వ్యాపారంలో ఏదో ఒకటి చేసి ప్రత్యేకతతో క్రేజ్‌ తేవాలనుకుంటూ... వైవిఎస్‌ చౌదరి తాజాగా ఓవర్‌సీస్‌ మార్కెట్‌ను పెంచేందుకు పోస్టర్‌ విడుదల చేశారు. పోస్టర్‌ను చిత్ర సమర్పకురాలు యలమంచిలి యుక్త ఆవిష్కరించారు. ఈ సందర్భంగా చౌదరి మాట్లాడుతూ, సుప్రీం సంస్థ ఓవర్‌సీస్‌ డిస్ట్రిబ్యూషన్‌ చేస్తుంది. యు.కె, న్యూజిలాండ్‌, ఆస్ట్రేలియా, సింగపూర్‌ వంటి దేశాల్లో నిప్పు సినిమాను విడుదల చేయడం ఆనందంగా ఉంది. ఇటీవలే విడుదలైన ఆడియోకు మంచి స్పందన వచ్చింది. తమన్‌ సంగీతం హైలెట్‌గా నిలిచింది. ఈ సినిమాలో బ్రహ్మానందం కామెడీ హైలెట్‌గా నిలుస్తుందని అన్నారు.గుణశేఖర్ మాట్లాడుతూ- స్పోర్ట్స్‌ ఫీల్డులో ఫైర్‌బ్రాండ్‌ అనగానే సచిన్‌ గుర్తుకువస్తాడు. అలాగే సినిమా రంగంలో రవితేజ గుర్తుకువస్తాడు. రవితేజలోని ఫైర్‌ ఎక్కడా మిస్‌ కాదు. నేను చేసిన చూడాలని ఉంది, ఒక్కడు చిత్రాలు ఓవర్‌సీస్‌లో ప్రభంజనాన్ని సృష్టించాయి. ఈ నిప్పు కూడా అలానే సృష్టిస్తుందనే నమ్మకముందని అన్నారు. రవితేజ మాట్లాడుతూ, మా ముగ్గురి కాంబినేషన్‌లో చిత్రం పెద్ద సక్సెస్‌ అవుతుందని భావిస్తున్నాను అన్నారు.
