Select Your Language

Notifications

webdunia
webdunia
webdunia
webdunia
Advertiesment

నాకు ఆ అనుభవం లేదు.. కానీ విన్నాను.. కళ్లముందు జరిగితే?: కాజోల్

హాలీవుడ్ నుంచి బాలీవుడ్‌కు పాకిన మీటూపై ప్రస్తుతం జోరుగా చర్చ సాగుతోంది. పనిలో పనిగా క్యాస్టింగ్ కౌచ్ వివాదం కూడా తెరపైకి వచ్చింది. ఇటీవల క్యాస్టింగ్ కౌచ్‌పై శ్రీరెడ్డి పోరాటం మొదలెట్టింది. ఆపై చాలామం

నాకు ఆ అనుభవం లేదు.. కానీ విన్నాను.. కళ్లముందు జరిగితే?: కాజోల్
, గురువారం, 4 అక్టోబరు 2018 (16:29 IST)
హాలీవుడ్ నుంచి బాలీవుడ్‌కు పాకిన మీటూపై ప్రస్తుతం జోరుగా చర్చ సాగుతోంది. పనిలో పనిగా క్యాస్టింగ్ కౌచ్ వివాదం కూడా తెరపైకి వచ్చింది. ఇటీవల క్యాస్టింగ్ కౌచ్‌పై శ్రీరెడ్డి పోరాటం మొదలెట్టింది. ఆపై చాలామంది హీరోయిన్లు తమకు ఎదురైన అనుభవాలను బయటపెట్టారు. ఇటీవలే బాలీవుడ్ హీరోయిన్, ఒకప్పటి బాలయ్య హీరోయిన్ తనుశ్రీ దత్తా క్యాస్టింగ్ కౌచ్‌పై నోరు విప్పింది. 
 
బాలీవుడ్ దర్శకుడు నానా పటేకర్ తనను వేధింపులకు గురిచేశాడంటూ తనుశ్రీ దత్తా చేసిన వ్యాఖ్యలు పెద్ద దుమారాన్ని రేపాయి. ఈ నేపథ్యంలో తను శ్రీ దత్తాకు బాలీవుడ్ అగ్ర హీరోయిన్ల మద్దతు లభించింది.
 
తాజాగా తనుశ్రీ దత్తా-నానా పటేకర్ లైంగిక వేధింపుల వ్యవహారంపై బాలీవుడ్ హీరోయిన్ కాజోల్ స్పందించింది. తానెప్పుడూ ఇండస్ట్రీలో లైంగిక వేధింపులను ఎదుర్కొనలేదని కాజోల్ స్పష్టం చేసింది. కానీ వీటి గురించి తాను విన్నానని వెల్లడించింది. లైంగిక వేధింపులకు పాల్పడ్డ వ్యక్తులెవరూ తామే చేశామని మీడియా ముందుకు రారంటూ తెలిపింది. అయితే సినీ పరిశ్రమలో లైంగిక వేధింపుల మాట నిజమేనని కాజోల్ వెల్లడించింది.
 
తన కళ్లముందు ఈ రకమైన వేధింపులు జరిగితే చూస్తూ ఊరుకోబోనని తేల్చిచెప్పింది. విదేశాల్లో వచ్చిన మీ టూ తరహా ఉద్యమం మన దేశంలో కూడా రావాల్సిన అవసరం ఉందని కాజోల్ అభిప్రాయపడింది. మహిళలపై లైంగిక వేధింపులు ప్రతి చోటా ఉన్నాయని కాజోల్ అభిప్రాయపడింది. ఈ వేధింపులు కేవలం సినీ పరిశ్రమకే పరిమితం కాలేదనీ, అన్నిచోట్లా జరుగుతున్నాయని చెప్పింది.

Share this Story:

Follow Webdunia telugu

తర్వాతి కథనం

మీ మొగాళ్లకు ఎందుకింత అనుమానం?