ఆదికేశవ నటి అపర్ణదాస్ పెళ్లి కూతురైంది. దీప‌క్ పరంబోల్, అపర్ణదాస్ పెళ్లి బుధవారం (ఏప్రిల్ 24న) కేర‌ళ‌లోని గురువాయూర్ టెంపుల్‌లో నిరాడంబ‌రంగా జ‌రిగింది. ఈ జంట పెళ్లి వేడుక‌లో కుటుంబ‌స‌భ్యుల‌తో పాటు కొంత‌మంది స‌న్నిహితులు మాత్ర‌మే పాల్గొన్న‌ారు.
అపర్ణదాస్, దీప‌క్ పరంబోల్ పెళ్లి ఫొటోలు సోష‌ల్ మీడియాలో వైర‌ల్ అవుతోన్నాయి. ద‌ళ‌ప‌తి విజ‌య్ బీస్ట్ మూవీతో న‌టిగా కోలీవుడ్‌లోకి ఎంట్రీ ఇచ్చింది అపర్ణదాస్. డాడా మూవీతో హీరోయిన్‌గా మారింది అపర్ణ.
మ‌నోహ‌రం, ప్రియ‌న్ ఒట్ట‌త్తిల్లాను, సీక్రెట్ హోమ్‌తో పాటు మ‌ల‌యాళంలో కొన్ని సినిమాలు చేసింది అపర్ణదాస్. తెలుగులోనూ వైష్ణ‌వ్‌తేజ్ హీరోగా న‌టించిన ఆదికేశ‌వ‌లో కీల‌క పాత్ర చేసింది అపర్ణదాస్.
ఇక దీప‌క్ పరంబోల్ మ‌ల‌యాళం బ్లాక్‌బ‌స్ట‌ర్ మూవీ మంజుమ్మ‌ల్‌ బాయ్స్ మూవీలో హీరోల్లో ఒక‌రిగా క‌నిపించిన క‌నిపించాడు. సుధి అనే పాత్ర చేశాడు. మ‌ల‌యాళంలో ఈ మూవీ 200 కోట్లకుపైగా క‌లెక్ష‌న్స్ సాధించింది.
