సూపర్ స్టార్ మహేష్ బాబు సతీమణి నమ్రతా శిరోద్కర్. తన తొలి చిత్రంలోనే మహేష్‌తో ప్రేమలో పడింది. ప్రస్తుతం తెలుగు చిత్రపరిశ్రమలో క్యూటెస్ట్ కపుల్‌‍గా గుర్తింపుపొంది, కొనసాగుతున్నారు. తాజాగా ఆమె ఓ ఇంటర్వ్యూ ఇచ్చారు. ఇందులో అనేక విషయాలపై ఆమె మనస్సు విప్పి మాట్లాడారు. సితార అన్ ప్లాన్డ్ బేబీ అంటూ పేర్కొన్నారు. పైగా, పెళ్లితో తన ప్రపంచమే తల్లకిందులైపోయిందన్నారు.
పెళ్లికి ముందే మహేష్ ఓ కండిషన్ పెట్టాడు. దానికి నేను అంగీరించా. పైగా, తన జీవిత భాగస్వామి ఎలా ఉండాలో మహేష్ బాబుకు ఓ స్పష్టత ఉంది. మహేశ్‌తో పెళ్లి జరగడమే నాకు హ్యాపీ మూవ్‌మెంట్. తను నా జీవితంలోకి వచ్చినప్పటి నుంచి నా జీవితం మరింత ఆనందంగా సాగుతుందని చెప్పారు. పైగా, అతనితో పెళ్లి నా ప్రపంచాన్నే మార్చివేసింది.
సితార అన్ ప్లాన్డ్ బేబీ. ఒకవేళ సితార పుట్టి ఉండకపోతే తమ జీవితాలు అసంపూర్ణంగానే ఉండేవేమోనని ఇపుడు అనిపిస్తుంది. గౌతమ్ పుట్టిన సమయంలో చాలా కఠిన పరిస్థితులను ఎదుర్కొన్నారు. వాడు ఎనిమిది నెలలకే పుట్టాడు. అసలు బతుకుతాడో లేదోనని వైద్యులు చెప్పారు అని ఒకింత భావోద్వేగానికి గురయ్యారు.
