Select Your Language

Notifications

webdunia
webdunia
webdunia
webdunia
Advertiesment

పడి పడి లేచె మనసు... పడిపోతుందా? లేస్తుందా? ప్రీమియర్ టాక్

పడి పడి లేచె మనసు... పడిపోతుందా? లేస్తుందా? ప్రీమియర్ టాక్
, శుక్రవారం, 21 డిశెంబరు 2018 (11:20 IST)
జస్ట్ అల్లు అర్జున్ అలా టచ్ చేస్తే చాలు... సినిమా హిట్టవుతుందన్న సెంటిమెంటుతో మొన్న ప్రి-రిలీజ్ వేడుకకు బన్నీని ఆహ్వానించాడు శర్వానంద్. స్టేజి మీద బన్నీ మాట్లాడుతూ... నేను టచ్ చేస్తే సినిమా హిట్ అనే టాక్ వుంటే నాకు నేను టచ్ చేస్కుంటూ వుంటానని సెటైర్ వేశాడు. దాన్నలా వుంచితే శర్వానంద్- సాయిపల్లవి నటించిన పడిపడి లేచె మనసు ఈరోజు విడుదలైంది. ఐతే అంతకుముందే ప్రీమియర్ టాక్ షో వచ్చేసింది.
 
హను రాఘవపూడి దర్శకత్వంలో తెరకెక్కిన ఈ చిత్రంపై పాజిటివ్ వైబ్రేషన్స్ అయితే వున్నాయి. ఈ చిత్రంలో సూర్య పాత్రలో శర్వానంద్ నటించాడు. తను చాలా సింపుల్‌గా నటించేశాడు. సాయి పల్లవి నటన గురించి వేరే చెప్పక్కర్లేదు. ఇద్దరి మధ్య కెమస్ట్రీ బాగా కుదిరింది, ముఖ్యంగా ప్రేమ సన్నివేశాల్లో బాగా హత్తుకునేట్లు చేసారు. ఈ చిత్రాన్ని చూస్తున్నప్పుడు కొన్నిచోట్ల ఆడియెన్స్ నెక్ట్స్ ఏం జరుగబోతుందన్నది ముందుగానే పసిగట్టేస్తారు. 
 
ఇలాంటివి చిత్రానికి కాస్త మైనస్ అనే చెప్పాలి. ఇక చిత్రంలో ఇంటర్వెల్ ట్విస్ట్ పెద్ద ట్విస్ట్ అని చెప్పుకోలేం. ఐతే ప్రేమికుల మధ్య తలెత్తే సమస్యలు, చిన్నచిన్న విషయాలను బాగా చూపించారు. పాటలు అద్భుతంగా వున్నాయి. చిత్రం ఫస్ట్ హాఫ్ ఆసక్తికరంగా సాగితే సెకండాఫ్ కాస్త సాగదీసినట్లు అనిపిస్తుంది. మొత్తమ్మీద లవర్స్ కి మంచి రొమాంటిక్ చిత్రం అవుతుంది. మరి ఈ పడిపడి లేచె మనసు ప్రేక్షకుల మనసులో పడుతుందో లేస్తుందో చూడాలి.

Share this Story:

Follow Webdunia telugu

తర్వాతి కథనం

మల్లెపువ్వుల వ్యాపారం చేస్తాడు లేండి...?