మరికొన్ని క్షణాల్లో ముహూర్తం.. వాట్సాప్‌లో మునిగిపోయిన వధువు.. తర్వాత?
మరికొన్ని క్షణాల్లో ముహూర్తం. మెడలో మూడు ముళ్లు వేయించుకోవాల్సిన ఆ వధువు.. వాట్సాప్‌లో మునిగిపోయింది. ఈ విషయాన్ని గమనించిన వరుడు.. ఆ అమ్మాయితో పెళ్లి వద్దని తెగేసి చెప్పాడు.
మరికొన్ని క్షణాల్లో ముహూర్తం. మెడలో మూడు ముళ్లు వేయించుకోవాల్సిన ఆ వధువు.. వాట్సాప్‌లో మునిగిపోయింది. ఈ విషయాన్ని గమనించిన వరుడు.. ఆ అమ్మాయితో పెళ్లి వద్దని తెగేసి చెప్పాడు. ముహుర్తం సమీపిస్తున్నా.. పెళ్లి కంటే వాట్సాప్ ముఖ్యమని భావించే ఇలాంటి అమ్మాయిని పెళ్లిచేసుకుని సంసార జీవితం గడపడం కష్టమని చెప్పాడు. దీంతో ఆఖరి నిమిషంలో పెళ్లి ఆగిపోయింది.
ఈ ఘటన ఉత్తరప్రదేశ్ రాష్ట్రంలో జరిగింది. ఉత్తరప్రదేశ్‌లోని అమ్రోహా జిల్లాకు చెందిన ఓ వధువు, తన కుటుంబీకులతో కలిసి వరుడి కోసం ఎదురుచూస్తూ పెళ్లి మండపంలో ఉంది. అయితే, సరిగ్గా వరుడు కుటుంబీకులు వచ్చేసమయానికి వాట్సాప్‌లో మునిగిపోయింది.
దీన్ని గమనించిన వరుడు, అతని బంధువులు ఈ పెళ్లి జరగదంటూ షాకిచ్చారు. దాంతో వధువు కుటుంబీకులు ఖంగుతిన్నారు. కారణమేమిటని అడిగితే వధువు నిత్యం వాట్సాప్‌తోనే బిజీగా ఉంటున్నదని, అలాంటి అమ్మాయి తమకు వద్దని స్పష్టం చేశారు. దీంతో ఈ పెళ్లి ఆగిపోయింది.